Në Qendrën e Numërimit dhe Rezultateve (QNR), të hënën procesi i numërimit të votave me kusht për zgjedhjet lokale të mbajtura të dielën e 17 tetorit.
Lajmin e ka konfirmuar për Shqip.com – zëdhënësi i KQZ-së, Valmir Elezi.
“Gjatë ditës së sotme planifikojmë të bëhet numërimi i votave me kusht dhe atyre të personave me nevoja të veçanta. Mediat dhe vëzhguesit do të njoftohen paraprakisht për orën e fillimit të numërimit”, ka thënë ai.
Zëdhënësi i KQZ-së, Valmir Elezi
Në këto zgjedhje, votimi me kusht ka vlejtur vetëm brenda komunës ku votuesi ka qenë i regjistruar.
Të dielën në QNR ka përfunduar numërimi i votave jashtë Kosovës, të cilat janë dërguar përmes postës në adresë të KQZ-së gjatë periudhës 15 shtator – 15 tetor.
Nga numërimi i këtyre votave në 15 komuna kryesojnë kandidatët e Lëvizjes Vetëvendosje (Prishtinë, Prizren, Gjilan, Ferizaj, Gjakovë, Mitrovicë, Podujevë, Fushë Kosovë, Obiliq, Kamenicë, Shtime, Drenas, Malishevë, Vushtrri, Kaçanik).
Në shtatë komuna më shumë vota nga diaspora kanë kandidatët e Lidhjes Demokratike të Kosovës (Pejë, Istog, Dragash, Junik, Suharekë, Lipjan, Novobërdë).
Ndërsa, në tri komuna prijnë kandidatët e Partisë Demokratike të Kosovës (Viti, Skenderaj, Hani i Elezit), ngjashëm sikurse kandidatët e Aleancës për Ardhmërinë e Kosovës, të cilët janë të parët në tri komuna (Rahovec, Deçan, Klinë)./Insajderi.com
