Mot kryesisht me diell do të mbajë sot mbi vend, njofton Insajderi.
Sipas Institutit Hidrometeorologjik të Kosovës, temperaturat minimale do të lëvizin ndërmjet 7 dhe 8 gradë Celsius, ndërsa maksimalet e ditës parashihen të lëvizin ndërmjet 26 dhe 28 gradë Celsius.
IHMK njofton se indeksi UV do të jetë në vlerat e rrezikut, kështu që prej orës 9 deri në ora 17 preferohet të jemi sa më pak në kontakt direkt me rrezet e diellit.
“Do të fryjë erë kryesisht nga verilindja me shpejtësi 1-8 m/s. Temperaturat maksimale në vendet fqinje (kufitare) do të jenë me sa vijon: Maqedoni 33 gradë Celsius, Shqipëri 31 gradë Celsius, Mal të Zi 28 gradë Celsius dhe në Serbi, temperaturat maksimale parashihen të arrijnë 30 gradë Celsius”, thuhet në njoftim. /Insajderi.com
