Sot (e enjte) në Kosovë do të mbizotërojë mot kryesisht me diell, njofton Insajderi.
Instituti Hidrometeorologjik bën të ditur se temperaturat minimale do të lëvizin ndërmjet minus 3 dhe 0 gradë Celsius. Ndërsa, ato maksimale gjatë ditës do të lëvizin nga 13 deri 18 gradë Celsius.
Do të fryjë erë e lehtë deri mesatare nga drejtimi i verilindjes.
“Kjo situatë e krijuar meteorologjike vjen si pasojë e fushave të fuqishme anticiklonike të cilat janë të stacionuara mbi Gadishullin e Ballkanit”, thuhet në njoftimin e IHMK-së./Insajderi.com
