Nëse keni kursime pensionale në trust, sot nga ora 15:00 mund të aplikoni që t’i tërhiqni dhjetë përqind të tyre.
Aplikimi është shumë i thjeshtë. Klikoni në www.trusti10.org – pastaj shënoni numrin personal dhe atë të xhirollogarisë bankare.
“Të dhënat detyrimisht duhet të jenë të sakta”, thuhet në njoftimin e Trustit.
Afati për aplikim është katër muaj. Ndërsa, ndryshimet ligjore për të mundësuar Rimëkëmbjen Ekonomike në mënyrë automatike shfuqizohen me 31 dhjetor 2021.
Kuvendi i Kosovës ka miratuar ligjin për Rimëkëmbje Ekonomike që tashmë është në fuqi.
Ndër politikat kryesore të Rimëkëmbjes është edhe mundësia e tërheqjes së 10 përqindëshit të cilat qytetarët i kanë në trust. /Insajderi.com