Gjykata Speciale ka refuzuar kërkesat për lirim nga paraburgimi të dy krerëve të Organizatës së Veteranëve të Luftës së Ushtrisë Çlirimtare të Kosovës, Hysni Gucati dhe Nasim Haradinaj.
Gjyqtari i Procedurës Paraprake, Nicollas Guillou, ua ka vazhduar paraburgimin atyre me një vendim të nxjerrë gjatë ditës së djeshme, kur u mbajt edhe konferenca për ecurinë e çështjes ndaj tyre.
Në vendimin e tij, Guillou ka kërkuar nga palët që të dërgojnë parashtresat e tyre me shkrim për afatin tjetër të ankesës për lirim nga paraburgimi, ndërsa afati i dhënë është data 1 prill.
Ai ka kërkuar nga Zyra e Prokurorit të Specializuar që të dërgojnë deklarata, materiale audio/video nga oficerët që kanë arrestuar Nasim Haradinajn.
ZPS-së për këtë i është dhënë afat deri më 12 mars. /Insajderi.com
