Shefi i Grupit Parlamentar të Partisë Demokratike të Kosovës, Abelard Tahiri, ka pyetur nëse “Albin Kurti po heq dorë nga rikthimi i tetë mijë hektarëve tokë me Malin e Zi për shkak të pozitës së kryeministrit”.
Këtë Tahiri e tha referuar planeve të Qeverisë për bashkëpunim ndër-kufitar me Malin e Zi.
“Ju keni akuzuar njerëz që e kanë votuar demarkacionin për karrigen e kryeministrit, apo veproni ju njëjtë tash”, tha Tahiri.
Në fjalën e tij, deputeti i PDK-së, kërkoi përgjigje nga Lëvizja Vetëvendosje për pozicionin e tyre në raport me marrëveshjen e Uashingtonit.
Kjo për shkak se Shtetet e Bashkuara të Amerikës kanë publikuar raportin për Liqenin e Ujmanit. /Insajderi.com
