Një person është plagosur para pak minutash afër Menzës së studentëve si pasojë e një incident ku janë dëgjuar të shtëna me armë.
Këtë e ka konfirmuar edhe Bajram Krasniqi nga Policia e Kosovës.
Ai është shprehur se rasti ka ndodhur pas orës 22 në rrugën Agim Ramadani afër Menzës së Studentëve.
“Ka qenë një mosmarrëveshje midis dy grupeve. Në njërin grup kanë qenë 2 persona dhe në grupin tjetër 3, ku në konflikt e sipër njëri person nga grupi me 2 persona parë ka mbetur i plagosur në këmbë”, tha Bajram Krasniqi.
“Policia ka arritur në vendin e ngjarjes por nuk ka arritur të identifikojë të dyshuarit të cilët janë persona të panjohur edhe për viktimën dhe shokun e tij”, tha ai.
