Vendimi i Qeverisë Rama për të taksuar automjetet të cilat e shfrytëzojnë “Rrugën e Kombit” ka nxitur reagime të shumta si në Shqipëri po ashtu edhe në Kosovë.
Çmimi prej 5 eurosh për një drejtim është cilësuar si mjaftë i lartë, është kundërshtuar dhe është kërkuar që të jetë një çmim më i arsyeshëm.
E lidhur me këtë çështje është paralajmëruar edhe një protestë.
Qytetarët e Kukësit do të protestojnë të shtunën me 31 mars në orën 11:30 tek ‘Tuneli i Kalimashit’, ku do ta kundërshtojnë këtë vendim, për të cilin konsiderojnë se dëmton qytetarët shqiptar dhe ata kosovar.
Në arsyetimin e kryeministrit Rama është thënë që paratë e grumbulluara nga kjo taksë do të shfrytëzohen për mirëmbajtjen e ‘Rrugës së Kombit’.
Ish-kryeministri Berisha ndërkohë e ka kundërshtuar këtë vendim duke e quajtur si taksa ‘Edvin’.