Një person ka tentuar të vetëvritet sot në Lagjen e Spitalit në Prishtinë, konkretisht te Shkolla “Pavarësia”.
Lajmin e ka konfirmuar për Gazetën Online Insajderi, zëdhënësi i policisë për rajonin e Prishtinës, Agron Burovci, i cili tha së personi në fjalë është duke pranuar tretman mjekësor dhe situata është nën kontroll.
Ai deklaroi se në vendngjarje ka dalë Policia e Kosovës, Zjarrfikësit dhe ndihma e shpejtë, të cilët e kanë parandaluar rastin.
“Rreth orës 15:40 policia ka pranuar informatën dhe menjëherë të gjitha njësitë e nevojshme kanë dalë në vendin e ngjarjes. Dyshimet e para janë ngritur për një tentim vetëvrasje të një personi nga një ndërtesë e lartë, ndërkohë që, policia e përkrahur edhe nga ekipe të zjarrfikësve po ndërmerr hapat e duhur me qëllim parandalimin e pasojave të mundshme nga ndonjë veprim i pakontrolluar të personit në fjalë”, ka thënë ai./Insajderi.com
