Përmes një postimi në rrjetin social Facebook, Thaçi thotë se ky vendim i tyre e forcon perspektivën evropiane për tërë rajonin tonë.
Postimi plotë i Thaçit:
I gëzohem propozimit të Komisionit Evropian për hapjen e negociatave me Shqipërinë për anëtarësim në Bashkimin Evropian.
Për këtë të arritur i përgëzoj qytetarët e Shqipërisë, presidentin Ilir Meta dhe kryeministrin Edi Rama, për reformat dhe qeverisjen e mirë.
Zgjerimi i Bashkimit Evropian dhe integrimi i tërë Ballkanit Perëndimor në familjen evropiane janë rruga e duhur për të rritur stabilitetin dhe sigurinë në Ballkan.
E përshëndes, po ashtu, edhe propozimin e Komisionit Evropian për hapjen e negociatave me Maqedoninë.
Ky vendim i tyre e forcon perspektivën evropiane për tërë rajonin tonë.