Ishte planifikuar të merrte pjesë edhe vetë, por thirrja nga Gjykata Speciale ia prishi planet. Më pas takimi në Uashington ishte anuluar. Tani ka një datë të re nga SHBA-të dhe Thaçi po ndjehet mirënjohës e falënderues ndaj amerikanëve.
Presidenti i Kosovës, Hashim Thaçi, e ka mirëpritur njoftimin nga emisari special amerikan, Richard Grenell, se është caktuar takim mes Kosovës dhe Serbisë në Shtëpinë e Bardhë dhe se ai do të mbahet me dy shtator, njofton Insajderi.
Thaçi ka shkruar në Twitter se Kosova është tejet falënderuese për angazhimin e pashoq të Shteteve të Bashkuara të Amerikës.
“E mirëpresë njoftimin për takimin në Shtëpinë e Bardhë për bisedimet në mes të Kosovës dhe Serbisë. Jemi falënderues ndaj Shteteve të Bashkuara të Amerikës për përkushtimin e jashtëzakonshëm për paqe dhe stabilitet në rajon”, shkruan presidenti në llogarinë e tij në Twitter./Insajderi.com
I welcome the announced meeting at the White House on negotiations between #Kosovo and #Serbia. We are greatful to the #US for the tremendous dedication to peace & stability in the region.
— Hashim Thaçi (@HashimThaciRKS) August 14, 2020
