Ka raste kur Vjosa Osmani e Hashim Thaçi edhe janë ulur afër. Por debati në distancë gjithmonë ka vazhduar. Dje Osmani tha se planet e presidentit i shkojnë në favor Serbisë. Thaçi ka një përgjigje.
Presidenti i Kosovës, Hashim Thaçi, ka deklaruar se atij, krye-parlamentarja, Vjosa Osmani, ia njeh shumë mirë aktivitetin që e ka zhvilluar gjatë luftës së fundit në Kosovë.
Ky koment i Thaçit vjen pas deklarimit të djeshëm të Osmanit se plani i presidentit për korrigjim kufijsh i shkon në favor Serbisë.
Madje Thaçi nuk hezitoi të hedhë dyshime edhe mbi të kaluarën e familjes së Osmanit, njofton Insajderi.
“Nëse ndokush nga Osmani i ka shërbyer në atë kohë Serbisë, unë e kam luftuar Serbinë. E di Vjosa Osmani shumë mirë”, ka deklaruar Thaçi në emisionin Rubikon të Klan Kosovës, pjesë e të cilit u dhanë gjatë edicionit qendror të lajmeve.
Presidenti më tej shtoi se ajo që po e thotë për Osmanin nuk është “goditje nën brez”, por thjeshtë “unë jam shumë transparent”.Insajderi.com
