Pas një përleshje fizike në Hajvali të Prishtinës, mbrëmë është therur me thikë një 16-vjeçar.
I njëjti është dërguar për tretman të menjëhershëm mjekësor në QKUK.
Policia me anë të një komunikate ka bërë të ditur se për rastin në fjalë, ka rrestuar katër persona prej të cilëve vetëm njëri është dërguar në mbajtje.
“Lidhur me rastin në fjalë policia ka shoqëruar në stacion policor katër persona të dyshuar për pjesëmarrje në rrahje, tre prej të cilëve janë liruar pas intervistimit me urdhër të prokurorit të shtetit, ndërsa i dyshuari i katërt : A. Sh, mashkull , 19 vjeç, shtetas i Republikës së Kosovës, për veprën lëndim i rëndë trupor (therje me thikë) është dërguar në qendrën e mbajtjes për 48 orë”, thuhet në raportin e Policisë.
Komunikata e plotë:
Arrestohet një person për veprën lëndim i rëndë trupor
Prishtinë, 13 shtator 2018 – Mbrëmë rreth orës 19:00, policia ka marrë informacionin se në fshatin Hajvali të Prishtinës, ka ndodhur një përleshje fizike mes disa personave.
Menjëherë pas marrjes së këtij informacioni në vendin e ngjarjes kanë dalë të gjitha njësitet e nevojshme policore.
Me të dalë në vendin e ngjarjes policia ka konstatuar se ka të bëj me një rast lëndim trupor ku viktima:
> E.B, mashkull , 16 vjeç, shtetas i Republikës së Kosovës
ka marrë plagë nga arma e ftohët (thikë) dhe i njëjti menjëherë është dërguar në QKUK për trajtim mjekësor .
Lidhur me rastin në fjalë policia ka shoqëruar në stacion policor katër persona të dyshuar për pjesëmarrje në rrahje, tre prej të cilëve janë liruar pas intervistimit me urdhër të prokurorit të shtetit, ndërsa i dyshuari i katërt :
> A. Sh, mashkull , 19 vjeç, shtetas i Republikës së Kosovës, për veprën lëndim i rëndë trupor (therje me thikë) është dërguar në qendrën e mbajtjes për 48 orë.
