Tre persona kanë pësuar lëndime trupore në një aksident trafiku që ndodhi sot në Hajvali të Prishtinës, njofton Insajderi.
Në këtë aksident të ndodhur rreth orës 13:30, në udhëkryqin e rrugëve “Nekibe Kelmendi” dhe “Gucia”, ishin të përfshira dy vetura.
Këtë e ka konfirmuar për Insajderin edhe zëdhënësja e policisë për rajonin e Prishtinës, Flora Ahmeti, e cila tha se personat e lënduar janë dërguar për trajtim mjekësor.
“Sot rreth orës 13:30 në udhkryqin e rrugëve Nekibe Kelmendi me Gucia në Hajvali, ka ndodhur një aksident trafiku në mes të dy automjeteve. Si pasojë e aksidentit tre persona janë lënduar. Personat e lënduar janë dërguar për trajtim mjekësor, ndërkohë që me rastin po merret nësiti i trafikut”, ka thënë Ahmeti. /Insajderi.com/
