Tre persona janë lënduar në një aksident trafiku, që ka ndodhur të enjten rreth orës 18:20 në rrugën Ilir Konushevci, në Prishtinë.
Lajmin e ka konfirmuar për Gazeten Online Insajderi, zëdhënësja e policisë në rajonin e Prishtinës, Flora Ahmeti.
Ajo ka thënë së tre personat e lënduar kanë kërkuar ndihmë mjekësorë, ndërsa me rastin është duke u marrë njësiti i trafikut.
“Sot rreth orës 18:20, në rrugën “Ilir Konushevci” ka ndodhur një aksident rrugor në mes të tri automjeteve. Si pasojë e aksidentit, ndihmë mjekësore kanë kërkuar tre persona. Me rastin po merret njësiti i trafikut”, ka deklaruar Ahmeti./Insajderi.com