Kryetari i Komunës së Prishtinës, Shpend Ahmeti ka emëruar tri drejtoresha të reja në qeverisjen e Komunës së kryeqytetit.
Ahmeti ka theksuar se në Komunën e Prishtinës tanimë nga 16 drejtori, 7 apo 44 përqind udhëhiqen nga gratë.
Postimi i Ahmetit në Facebook:
Qeverisjes në Prishtinë këtë javë i bashkëngjiten tre drejtoresha:
Medina Braha – drejtore e Shërbimeve Publike, Blerta Basholli – drejtore e Kulturës dhe Vasilika Zotaj – drejtore e Administratës
Në Komunën e Prishtinës tanimë nga 16 drejtori, 7 apo 44 përqind udhëhiqen nga vajzat/gratë.
Por, Medina, Blerta e Vasilika nuk po emërohen vetëm pse janë gra. Ato sjellin përgatitje, përvojë dhe zotësi për të udhëhequr dikasteret e përmendura.
Gjatë javës do të prezantojmë drejtoret dhe prioritetet e drejtorive sipas planit tonë të premtimeve.