Do të ndërmerren veprimet sipas procedurave ligjore Një person në Pejë është arrestuar sot për shkak se ka gjuajtur me armë zjarri në një dasmë, njofton Policia e Kosovës.
Po ashtu policia bën të ditur se i dyshuari është shtetas turk.
“Gjatë bastisjes në veturën e të dyshuarit është gjetur dhe konfiskuar arma pistoletë ‘Grizly’ prodhim turk cal. 9.9 mm. Personi i dyshuar është intervistuar dhe në konsultim me prokurorin kompetent do të ndërmerren të gjitha veprimet e mëtutjeshme sipas procedurave ligjore.“, thuhet në njoftimin e policisë.
Policia e Kosovës apelon të qytetarët dhe kërkon që tu shmangen veprimeve të kundërligjshme për arsye të sigurisë së tyre dhe sigurisë së të tjerëve.
