Ministri i Punëve të Brendshme dhe Administratës Publike, Agim Veliu, në interpelancën e thirrur sot në Kuvendin e Kosovës, ka raportuar për hyren e trupave të ushtrisë serbe në Karaçevë, njofton Insajderi.
Veliu para të zgjedhurve të popullit ka deklaruar se këtë çështje e ka trajtuar me urgjencë.
“Gjatë muajit të kaluar kemi qenë dëshmitarë të raportimit rreth rastit të hyrjes së forcave serbe në Kosovë. Duke pas parasysh ndjeshmërinë e rastit, unë si ministër, kam adresuar këtë çështje me urgjencë”, ka deklaruar ministri i Punëve të Brendshme.
Veliu ka shtuar se për këtë temë ka folur edhe me KFOR’in e organet e tjera të sigurisë në vend.
“Fillimisht kemi biseduar me policinë, KFOR’in, këshilltari im ka biseduar disa herë vendin e ngjarjes si dhe me kërkesën e kryeministrit kjo çështje është diskutuar me pjesëtarët e sigurisë kombëtare”, ka thënë Veliu. /Insajderi.com
