Valdete Daka do të emërohet edhe për shtatë vjet kryetare e Komisionit Qendror të Zgjedhjeve (KQZ). Besimin për ta drejtuar këtë institucion do t’ia japë brenda pak ditësh presidenti Hashim Thaçi, shkruan sot Koha Ditore
Burime në Presidencë kanë konfirmuar të enjten se kreu i shtetit nuk do të vendosë dikë tjetër në krye të KQZ-së.
“Shumë shpejt, ndoshta nesër, presidenti do të marrë vendim që znj. Daka edhe për një mandat ta drejtojë KQZ-në. Sot e ka pritur në takim dhe kanë biseduar për një mori çështjesh, përfshirë edhe për mandatin e ri”, ka thënë ky burim të enjten. “Anëtarët e KQZ-së mund të mos emërohen përnjëherë me znj. Daka, meqë disa parti ende nuk i kanë ofruar propozimet te presidenti”.
