Profesori universitar dhe njohësi i të drejtës, Riza Smaka, ka vdekur në mëngjesin e sotëm, njofton Insajderi.
Lajmi për vdekjen e tij u konfirmua nga anëtarë të familjes së profesorit tashmë të ndjerë, nëpërmjet njoftimeve në Facebook.
“Të qoftë i lehtë dheu i Kosovës Dajë Riza Smaka”, ka shkruar një familjare.
Profesori i njohur ka qenë edhe deputet në Kuvendin e Republikës së Kosovës nga viti 2008 deri në vitin 2011.
Smaka ishte anëtar i Komisionit për hartimin e Kushtetutës së Republikës së Kosovës si dhe ishte njëri nga nënshkruesit e Deklaratës së Pavarësisë së Kosovës.
Ai lindi në Rugovë të Pejës, në vitin 1943. Diplomoi në Fakultetin Juridik më 1971, pastaj e kreu Provimin e Jurisprudencës , ku magjistroi më (1979 ) dhe doktoroi ( 1987 ).
Veç statusit si profesor universitar, profesori Smaka ka ushtruar edhe shumë funksione të tjera të larta shtetërore. /Insajderi.com
