Një person ka vdekur të dielën mbrëma pasi derisa ishte me motoçikletë është goditur nga një kamionetë në fshatin Peqan të Suharekës.
Siç bën të ditur policia, vdekjen e viktimës e ka konstatuar mjeki i ndihmës së shpejtë.
“Raportohet se ka ndodhur aksident trafiku në mes të një kamionete me targa vendore me drejtues të dyshuarin mashkull kosovar dhe një motoçikletë. Si pasoj e aksidentit drejtuesi i motoçikletës ka ndërruar jetë”, thuhet në raportin 24 orësh.
Në lidhje me rastin është konsultuar prokurori i shtetit me vendim të së cilit i dyshuari është dërguar në mbajtje për 48 orë.
Trupi i pa jetë i viktimës është dërguar në Institutin e Mjekësisë Ligjore për obduksion./Insajderi.com
