Një 38 vjeçar nga Prishtina nuk ka arritur të fitojë luftën ndaj Coronavirusit, njofton Insajderi.
Kështu është bërë e ditur në njoftimin e sotëm të Institutit Kombëtar të Shëndetit Publik, derisa u njoftua se 11 persona kanë ndërruar jetë brenda 24 orëve të fundit nga ky virus.
“Brenda 24 orëve janë raportuar 11 raste të vdekjes me SARS CoV-2 pozitiv. Rastet e vdekjes janë nga komunat: Prishtinë 3 raste (76, 54, 38 vjeç), Rahovec 2 raste (74, 67 vjeç), Ferizaj 1 rast (48 vjeç), Gjilan 1 rast (82 vjeç), Kamenicë 1 rast (57 vjeç), Klinë 1 rast (65 vjeç), Skenderaj 1 rast (76 vjeç) dhe Suharekë 1 rast (54 vjeç)”, thuhet në njoftimin e IKSHPK-së.
Instituti tutje njofton se edhe 688 raste pozitive kanë rezultuar gjatë kësaj kohe, nga gjithsej një mijë e 865 mostra të testuara.
“Numri total i rasteve pozitive është 29.805 raste nga 120.811 persona të dyshimtë në virusin SARS-CoV-2 dhe 833 raste të vdekjes. Gjatë 24 orëve të fundit, janë shëruar 236 pacientë derisa numri i përgjithshëm i të shëruarve deri më sot është gjithsej 17.541 raste, kurse numri i rasteve aktive është 11.431”, thuhet tutje në njoftim. /Insajderi.com
