Një i burgosur në Qendrën Korrektuese të Dubravës ka ndërruar jetë sot rreth orës 15:40.
GJ.P i lindur më 1965 ishte dërguar me urgjencë në Spitalin Rajonal të Pejës dhe sipas SHKK-së, përkundër ofrimit të ndihmës mjekësore ai ka ndërruar jetë.
“Shërbimi Korrektues i Kosovës, njofton opinionin publik se, sot më 22 maj 2019, rreth orës 15:40, në Spitalin Rajonal të Pejës, ka ndërruar jetë i burgosuri, me inicialet Gj. P, i lindur më 1965.Gjatë vuajtjes së dënimit, i njëjti ka qenë i vendosur në stacionarin e QK Dubravë dhe për një periudhe të gjatë kohore ishte duke u trajtuar me terapi, po vuante nga sëmundja e kancerit, për çka ishte i shtrirë disa herë edhe në QKUK”, thuhet në njoftimin për media, transmeton Indeksonline.
Gj.P akuzohej për veprën penale ‘Vrasje e rëndë’ dhe sipas ligjit, trupi i pajetë do të dërgohet për obduksion.
