Një person ka vdekur sot, e premte, si pasojë e një aksidenti trafiku që ka ndodhur në fshatin Gadime të Lipjanit.
Aksidenti ka ndodhur rreth orës 15:00, ndërsa të lënduar kanë mbetur edhe dy të tjerë.
Lajmin për Insajderi-n e ka konfirmuar zëdhënësja e Policisë së Kosovës në rajonin e Prishtinës, Flora Ahmeti.
“Sot rreth orës 15:00 në fshatin Gadime të Lipjanit, ka ndodhur një aksident trafiku, ku është përfshirë një veturë. Si pasojë e aksidentit tre persona kanë pësuar lëndime trupore dhe të njëjtit janë dërguar për trajtimin e nevojshëm mjekësor. Policia ka dalë në vendin e ngjarjes dhe ka nisur një hetim për zbardhjen e shkaqeve të këtij vetaksidenti.
Informatë shtesë: Rreth orës 17:15, jemi njoftuar nga QKUK, se njëri nga personat e lënduar në aksident nuk ka arritë të përballoj plagët dhe i njëjti ka ndërruar jetë”, tha Ahmeti./Insajderi.com
