Ka ndërruar jetë në moshën 82 vjeçare rapsodi i njohur kosovar, Hashim Shala.
Lajmin e ka bërë të ditur Daim Hiseni, një antar i grupit të shahirëve të Kosovës, e po ashtu e ka konfirmuar edhe kolegu i tij, Ismet Bogujevci.
“Sot pushoi zemra e rapsodit Kosovarë Hashim SHALA. Ndër shekuj do të mbetet e gjallë kënga dhe zëri i ëmbël i Tij. I përhershëm kujtimi për këtë rapsod të këngës folklorike”, ka shkruar Hiseni.
Shala ishte një nga zërat më të pëlqyer të muzikës folklorike shqiptare duke qenë krijues i shumë hiteve të kësaj rryme. Hashim Shala u lind në vitin 1936 në fshatin Vërbofcë.
