Dy pacientë të cilët po trajtoheshin në Spitalin e Përgjithshëm të Pejës, kanë ndërruar jetë.
Njëri nga viktimat ishte i diagnoztikuar me Covid-19, ndërsa tjetri dyshohej se ishte i infektuar me këtë sëmundje.
Siç bëjnë të ditur nga ky spital, viktima që kishte rezultuar pozitiv me virusin Corona, ishte 78-vjeçar, ndërsa tjetri 71-vjeçar.
Në këtë spital aktualisht po trajtohen 77 pacientë me koronavirus, 32 prej të cilëve janë në oksigjeno terapi, ndërsa 7 pacientë janë në gjendje stabile.
“Gjatë kësaj fundjave në Spitalin e Përgjithshëm në Pejë, 583 pacientë kanë marrë trajtim emergjent shëndetësor. Nga këta 61 pacientë janë shtrirë për trajtim të mëtutjeshëm. Gjatë fundjavës kanë qenë 11 lindje, 5 normale dhe 6 me prerje cezariane. Kanë lindur 11 foshnje, 4 të gjinisë mashkullore dhe 7 të gjinisë femërore”, thuhet tutje në njoftim. /Insajderi.com/
Në Spitalin e Përgjithshëm në Pejë aktualisht po trajtohen 77 pacientë me Covid-19. 32 pacientë janë në Oksigjeno…
Posted by Spitali i Përgjithshëm Pejë on Monday, July 27, 2020
