Daniel Serwer, eksperti amerikan për Ballkanin, ka deklaruar sot se Lëvizja Vetëvendosje dhe Lista Serbe janë parti antikushtetuese në Kosovë.
Ai këto deklarata i bëri në vizitën e tij në Kosovë gjatë diskutimit të organizuar nga Instituti Kosovar për Hulumtim dhe Zhvillim të Politikave me temën “Ballkani, BE-ja dhe SHBA-të: A mund të sinkronizohen përsëri?
Serwer, gjithashtu tha se Presidenti Donald Trump, pavarësisht se gruan e ka sllovene, ai asnjë moment nuk e ka kaluar në Ballkan.
“Megjithatë , ka njerëz në Administratën e Trump sikur zv. Presidenti Mike Pence, që e ka bërë të qartë se amerikanët e duan shtetin e Kosovës me sovranitet të plotë”.
“Kosova duhet ta ruajë dhe sigurojë sovranitetin e saj territorial me çdo çmim, dhe për këtë duhet të keni afërsi me shtetet mike që janë fuqi të mëdha”, tha Serwer.