Lëvizja Vetëvendosje, e cila në rrafsh kombëtar ka arritur të dalë si parti e dytë pas numërimit të 99 për qind të votave të zgjedhjeve të 11 qershorit, fitoi më së shumti vota në Komunën e Fushë Kosovës.
Në atë komunë që njihej si bastion i kahmotshëm i Lidhjes Demokratike të Kosovës (LDK), në Fushë Kosovë, Vetëvendosje arriti të fitojë 4.582 vota (34.57%).
Pas numërimit të të gjitha votave në këtë komunë, koalicioni LDK-AKR ka arritur të fitoi rreth 100 vota më pak se VV-ja. LDK-AKR arriti të fitoi 4.484 vota (33.83%), raporton Insajderi.
Në vendin e tretë në këtë komunë përfundoi koalicioni PDK-AAK-NISMA, i cili fitoi 2.648 vota, apo kthyer në përqindje: 19.98. /Insajderi.com
