Lutfi Haziri, nënkryetari i Lidhjes Demokratike të Kosovës, tha se “Vetëvendosje nuk pati burrni të rreshtohet pas një gruaja për kryeministre”.
Albulena Haxhiu, kandidatja për deputete nga Vetëvendosje, deklaratën e Hazirit e ka quajtur destruktive dhe ka kërkuar nga ai që të tërheq fjalët.
“Kam parë deklarata destruktive, sidomos të Lutfi Hazirit që nuk i ndihmo fare bashkëpunimit me VV-në dhe atij qeverisës, prandaj edhe sot kam ftuar atë që të tërhiqet nga këto deklarata të cilat nuk i ndihmojnë fare bashkëpunimit tonë qeverisës”, ka thënë Haxhiu, shkruan EO.
Në takimet që janë mbajtur kohë më parë, Haxhiu thotë se dakordanca e vetme është ulja e numrit të ministrive dhe përfshirja e barazisë gjinore në qeverinë e ardhshme.
“Ne kemi pasur një takim ndërmjet përfaqësuesve të Vetëvendosje, pra kryetari jon me Isa Mustafën dhe Vjosa Osmanin. Ka qenë një takim optimist, në kuptimin e një bashkëpunimi qeverisës”.
Pra aty janë dakorduar se cili do të jetë numri i ministrive, për përfshirjen e barazisë gjinore në qeverisjen e ardhshme, për disa vendime që nuk duhen të qohen përpara qeveria Kurti, por më e rëndësishmja që janë dakorduar për grupet punuese”./GazetaInsajderi/