Një veturë ka goditur një këmbësor pasditen e sotme në Prishtinë, njofton Insajderi.
Zëdhënësja e Policisë së Kosovës për rajonin e Prishtinës, Flora Ahmeti, e ka bërë të ditur lajmin për Gazetën Online Insajderi.
Nga raporti I policisë kuptohet se aksidenti ka ndodhur rreth orës 17:00.
“Sot rreth orës 17:00 në rrugën Dëshmorët e Kombit në Prishtinë, ka ndodhur aksident trafiku, ne mes të një automjeti dhe një këmbësori. Si pasojë e aksidentit këmbësori ka pësuar lëndime trupore dhe i njëjti është dërguar për trajtim mjekësor”, tha ajo.
Ahmeti bëri të ditur se ne rastin po merren hetuesit e njësitit rajonal të komunikacionit rrugor./Insajderi.com
