Vlora Çitaku ka përfunduar zyrtarisht misionin e saj si ambasadore e Kosovës në Shtetet e Bashkuara të Amerikës, njofton Insajderi.
Lajmin e kanë bërë të ditur nga Ministria e Punëve të Jashtme dhe Diasporës, të cilët Çitakut i kanë uruar suksese dhe mbarësi në angazhimet e radhës.
“Ambasadorja e Republikës së Kosovës në Washington DC, Vlora Çitaku, ka përfunduar me sukses mandatin e saj Ministria e Punëve të Jashtme dhe Diasporës e Republikës së Kosovës dëshiron t’i shpreh falënderimet më të sinqerta për përfaqësimin e jashtëzakonshëm të Kosovës në Shtetet e Bashkuara të Amerikës.
Suksese dhe mbarësi në angazhimet e radhës Ambasadore Çitaku”, thuhet në njoftimin e Ministrisë.
Në anën tjetër, Çitaku në një postim në Facebook është shprehur se “të shërbej si Ambasadore e Kosovës në ShBA ka qenë nderi i jetës sime”./Insajderi.com
