![Vrasja e Soleimanit: Baza ajrore e SHBA-së në Irak e goditur nga raketa në shenjë hakmarrjeje](https://insajderi.com/wp-content/uploads/2020/01/baza1-730x440.jpg)
Një bazë ajrore që strehon trupat amerikane në Irak është goditur nga raketa, sipas Departamentit të Mbrojtjes të SHBA.
TV shtetëror iranian thotë se sulmi është një hakmarrje pasi komandanti i lartë i vendit Qasem Soleimani u vra në një sulm me dron në Bagdad të Premten, me urdhër të presidentit amerikan Donald Trump.
Baza e Al-Asad është goditur nga raketa të shumta, raporton BBC.
Shtëpia e Bardhë po monitoron sulmin. Ende e paqartë nëse ka pasur viktima.
“Ne jemi të vetëdijshëm për raportet e sulmeve ndaj objekteve amerikane në Irak. Presidenti është informuar dhe po monitoron nga afër situatën dhe po këshillohet me ekipin e tij kombëtar të sigurisë,” tha zëdhënësi i Shtëpisë së Bardhë Stephanie Grisham në një deklaratë.
Garda Revolucionare e Iranit tha se sulmi ishte në shenjë hakmarrjeje për vdekjen e Soleimani.
“Ne po paralajmërojmë të gjithë aleatët amerikanë, të cilët i dhanë bazat e tyre ushtrisë së saj terroriste, se çdo territor që është pika fillestare e veprimeve agresive kundër Iranit do të jetë në shënjestër,” tha ajo përmes një deklarate të mbartur nga agjensia shtetërore e Iranit, IRNA./Insajderi.com