“Ballkani i Hapur është vendim historik”.
Kështu, presidenti i Serbisë, Aleksandër Vuçiq, e ka cilësuar këtë iniciativë.
Ai ka publikuar në Instagram një fotografi ku shihet me kryeministrin e Shqipërisë, Edi Rama dhe zv.kryeministrin e Maqedonisë së Veriut, Nikola Dimitrov.
Sipas agjendës së publikuar, Rama, Vuçiqi e Dimitrovi do të mbajnë takim me biznese nga këto vende, ndërsa në orën 11:30 është paralajmëruar konferencë e përbashkët.
Ballkani i Hapur
Shqipëria, Serbia e Maqedonia e Veriut ishin iniciatorë të kësaj iniciative.
Por, nuk gjetën mbështetje tek shtetet e tjera të Ballkanit Perëndimor.
Më të zëshëm kundër ishin Kosova e Mali i Zi.
Madje, kundërshtimi i Kosovës e konfrontoi atë me Shqipërinë – në nivel kryeministrash.
Albin Kurti dhe Edi Rama kishin divergjenca të thella në këtë çështje, sa raportet për një kohë kanë qenë të zymta.
Ndërkohë, nuk është i qartë qëndrimi perëndimor ndaj kësaj iniciativa.
Në disa raste është parë si projekt i papërshtatshëm për shkak të procesit të Berlinit. /Insajderi.com
