Presidenti i Serbisë, Aleksandër Vuçiq, ka thënë se shteti i tij ka përgatitur masa të ashpra kundër Kosovës.
“Kemi përgatitur masa të ashpra kundër Prishtinës, e cila ka vendosur taksën nëntë muaj më herët”, tha Vuçiq në Beograd. “Këto masa do të zbatohen pas takimit të Parisit që do të mbahet në korrik”.
Ai ka shtuar se janë në dijeni se forcat speciale të policisë së Kosovës, ROSU, janë në gjendje gatishmërie dhe ka ftuar bashkësinë ndërkombëtare që të pengojnë ‘qëllimin për arrestimin e serbëve’.
Siç ka deklaruar ai, në Paris nuk do të ketë kurrfarë bisedimesh për Kosovën dhe statusin e saj, nuk do të ketë kurrfarë bisedimesh pa heqjen e taksave.
