“Vuçiq nuk ka bërë kërkesë për ta vizituar Kosovën”

Ministrja e Punëve të Jashtme, Meliza Haradinaj-Stublla, ka deklaruar se presidenti i Serbisë, Aleksander Vuçiq, nuk ka bërë kërkesë për ta vizituar Kosovën.

Gazeta serbe “Nova.rs”, kishte shkruar një artikull në të cilin thuhej se presidenti serb do të zhvillojë vizitë në Kosovë ku do të qëndrojë tek liqeni i Ujmanit.

Por, pas pak minutave artikulli është larguar nga gazeta serbe – më pas ka ardhur sqarimi se ka ndodhur një gabim teknik me një lajm të të njëjtës tematikë, por i vitit 2018.

Haradinaj, ka shkruar se “Vuçiq nuk ka bërë kërkesë për ta vizituar Kosovën”.

Ajo po ashtu një vizitë eventuale të zyrtareve serbë në Kosovë para takimit të Uashingtonit e ka cilëson si provokokim dhe joproduktiv.

“Në javën kritike kur Kosova bën përpjekje për të ndërtuar unitetin politik e institucional për takimin trilateral me Serbinë në Uashington, nën lidershipin e Shtëpisë së Bardhë, vizitat potenciale do të konsideroheshin si provokim politik dhe kundërproduktiv përpara nismës serioze e konkrete që partnerët ndërkombëtar kanë ndërmarrë”, ka thënë ajo. /Insajderi.com