![VV dhe LDK shkelin me dy këmbë këtë premtim të dhënë në fushatë zgjedhore](https://insajderi.com/wp-content/uploads/2020/01/74524027_10156288978937000_3463692589360742400_o-730x440-730x440.jpg)
Lëvizja Vetëvendosje dhe Lidhja Demokratike e Kosovës (LDK), gjatë kohës së fushatës së tyre kishin dhënë një premtim të cilin pas gjashtë muajsh janë duke e shkelur me dy këmbë.
Të dy këto parti i kishin premtuar elektoratit të tyre se do të jenë transparent, shkruan Gazeta Insajderi.
Por, sjelljet e këtyre partive kanë ndryshuar me votuesit e tyre. Ata nuk po i mbajnë fjalët të cilat i kishin premtuar gjatë kohës së fushatës.
Në secilin takim të cilin kanë zhvilluar dhe janë duke zhvilluar, dy liderët e këtyre partive, Albin Kurti dhe Isa Mustafa, nuk po tregohen transparent me qytetarët për takimet që ata po i zhvillojnë.
Ndonëse, Kurti kishte thënë se qeveria e re, që sipas tij do të jetë nën qeverisjen e tij, do të ketë transparencë radikale.
“Pazare politike keni parë me PAN-in (PDK, AAK, Nisma) në të kaluarën. Transparencë radikale do të ketë qeveria e re. Natyrisht, që qeveria jonë do të zgjasë shumë më tepër sesa koha që i ka ngelur presidentit aktual”, kishte deklaruar Kurti pas një takimi që ka pasur me zyrtarët e LDK-së.
Ndër tjera, Kurti dhe Osmani gjatë bisedave për një bashkëqeverisje të mundshëm kishin nënshkruar edhe një dokument të përbashkët mbi transparencën qeverisëse që përmbante 7 pika.
Por, cilat janë ato pika dhe a do t’u përmbahen atyre këta dy kandidatë të cilët thuajse janë pajtuar për një koalicion qeverisës:
- Qeveria do të kufizohet në 15 ministri maksimum në dy zëvendëskryeministra për ministri
- Gratë do të udhëheqin së paku 30 për qind të ministrive
- Do të ketë transmetim të drejtpërdrejt të të gjitha mbledhjeve të Qeverisë
- Kryeministria do të publikojë Raportin Vjetor për Realizmin e Programit Qeverisës
- Kryeministria dhe ministritë do të publikojnë të gjitha kontratat dhe ankesë kontratat në ueb faqet zyrtare
- Do të ketë depolitizo në përzgjedhjen e anëtarëve të bordeve dhe ndërmarrjeve publike
- Do të ketë raportime dhe standardizimeve në raportim të shpenzimeve të Kryeministrisë dhe gjitha ministrive në baza mujore (përfshirë faturat, urdhër blerjet dhe pagesat.
Mustafa dhe Kurti, tash e gjashtë muaj takohen për tu dakorduar që të takohen sërish. Çdo takim i tyre ka përfunduar i dështuar dhe pa marrëveshje. /Insajderi.com