Vetëvendosje në Shqipëri do të mbajë protestë nesër nga ora 17:00, e cila do të mbahet tek lulitshtja “Qemal Stafa”, përballë Presidencës.
Protestë kjo kundër ardhjes së presidentit serb, Aleksander Vuçiq në kryeqendrën shqiptare, kjo me ftesë të kryeministrit Edi Rama.
Në këtë pankartë shkruhet “Këtu një kriminel lufte, po vjen të pozojë si bamirës”, ndërsa presidenti serb është shpallur i padëshiruar.
Ky takim është në vijim të dy takimeve të mëparshme të këtij niveli, të zhvilluara në Novi Sad, Serbi dhe në Ohër, Maqedoni e Veriut, ku morën pjesë liderë dhe përfaqësues të lartë shtetërorë, të vendeve të Ballkanit Perëndimor, si dhe përfaqësues të lartë të institucioneve evropiane.
Ditën e premte, datë 20 dhjetor, ora 17.00, Kryeministri Edi Rama do të mikpresë liderët e ftuar në një takim jozyrtar në Hotel “Rogner”, Tiranë.
Ditën e shtunë, datë 21 dhjetor, ora 08.45, të ftuarit do të vizitojnë disa nga zonat e prekura nga tërmeti, në Durrës.
Më pas, në orën 10.00, në hotel “Rogner” do të zhvillohet “Sesioni i liderëve”. Në orën 12.00 do të vijohet me Seancën Plenare me pjesëmarrjen e delegacioneve. Në orën 13.15, të ditës së shtunë, aktivitetet do të përmbyllen me konferencën e përbashkët për shtyp, e cila do të zhvillohet në të njëjtin vend, në hotel Rogner, Tiranë.
Kujtojmë që presidenti i Kosovës, Hashim Thaçi, ka refuzuar të merr pjesë në këtë takim, pasi që Bosnja dhe Serbia nuk e kanë njohur shtetin tonë.