Pas muajsh bisedimesh dhe provash, ËhatsApp më në fund ka vendosur mundësinë për pagesa në aplikacion, njofton Techcrunch, transmeton Insajderi.
WhatsApp njoftoi se përdoruesit në Brazil do të ishin të parët që do të mund të dërgonin dhe marrin para përmes aplikacionit të mesazheve, duke përdorur Facebook Pay, shërbimin e pagesave që pronari i WhatsApp, Facebook, ka lansuar vitin e kaluar.
WhatsApp thotë në postimin e saj në blog se shërbimi i pagesave – i cili aktualisht është falas që konsumatorët ta përdorin (d.m.th., nuk merret ndonjë tarifë komisioni) por bizneset paguajnë një tarifë përpunimi prej 3.99% për të pranuar pagesa – do të funksionojnë me anë të një PIN-i gjashtë shifror ose gjurmët e gishtërinjve për të përfunduar transaksionet.
