Ish-shefi i misionit të OSBE, William Walker ka arritur në zyrat qendrore të LDK-së, në Prishtinë, nga ku do të takohet me liderë të kësaj partie.
Walker që është duke qëndruar në Kosovë në 21 vjetorin e masakrës së Reçakut po viziton partinë e udhëhequr nga Isa Mustafa edhe për të biseduar lidhur me koalicionin LV – LDK, raporton t7.
Një vizitë e tillë nuk ishte lajmëruar paraprakisht për mediat. Nuk dihet nëse Walker do të vizitojë edhe Lëvizjen Vetëvendosje.
Kujtojmë që në vazhdën e bisedimeve LV – LDK është shtuar presioni ndërkombëtar për arritje të marrëveshjes.
