Në Drejtorinë e Përgjithshme të Doganës së Kosovës, është mbajtur sot ceremonia e pranim-dorëzimit të detyrës nga ish-ushtruesi i detyrës së drejtorit të përgjithshëm, Ibrahim Xhaka, tek ushtruesi i detyrës së drejtorit të tanishëm, Bajram Rexha.
Ndryshimi i pozitave në Doganën e Kosovës ka ardhur pas vendimit të datës 16 tetor 2020 të Qeverisë së Kosovës.
Ekzekutivi para tri ditësh shkarkoi Xhakën nga pozita e drejtorit të përgjithshëm dhe emëroi Rexhën.
Përveç Xhakës, në po të njëjtën ditë është marrë vendimi për shkarkimin e të parit të Policisë së Kosovës, Rashit Qalaj dhe kreun e Administratës Tatimore të Kosovës, Ilir Murtezaj. /Insajderi.com
