Ish-deputeti i Kuvendit të Kosovës, Visar Ymeri, ka thënë se përmes “Mini-Shengenit”, Serbia në mënyrë indirekte e njeh Kosovën, njofton Insajderi.
Sipas Ymerit “Mini-Shengeni” do të ketë problemet e veta, mirëpo pjesëmarrja e Kosovës në të krijon edhe një mundësi.
“Nuk po them se Kosova duhet të marrë pjesë në Mini-Shengen pavarësisht çmimit. Është një forum potencial në të cilin pjesëmarrja e Kosovës e negociuar si duhet mund t’i sjellë dobi Kosovës”, ka thënë Ymeri në KTV.
“Pra, nëse e shohim Mini-Schengenin si parim në formën e tij, ta quaj, ideale, sepse nuk e di se çfarë janë marrë vesh, nuk është shumë transparente si procedurë. Jo çfarë janë marrë vesh (në Ohër e Novi Sad), çfarë nënkuptojnë ata me Mini-Schengen, sepse nëse modelohet sipas atij të BE-së ai nuk është marrë shumë me qarkullimin e mallrave por të njerëzve”./Insajderi.com
