Kryeministri i Maqedonisë ka reaguar në kërcënimin e Rusisë për “pasoja negative për siguri rajonale” si dhe për marrëdhëniet bilaterale nëse vendi i tij hynë në NATO.
Kryeministri maqedonas Zoran Zaev i është përgjigjur Rusisë se Maqedonia prej pavarësisë së vet ishte fuqishëm e përcaktuar për anëtarësim në NATO, gjë që e përkrahë një shumicë e madhe e qytetarëve.
“Maqedonia qysh prej pavarësisë në vitet e 90-ta është përcaktuar fuqishëm për anëtarësim në NATO dhe e ka përkrahjen e plotë të qytetarëve maqedonas. Zgjedhja jonë dhe vendosmëria e qartë janë integrimet euroatlantike”, ka deklaruar Zaev, kanë transmetuar mediet maqedonase.
Kështu është përgjigjur Zaev në paralajmërimin të cilin ia ka dërguar dje ministria e jashtme ruse./Insajderi.com.
