Kryetari i Partisë Euroatlantike e Kosovës, Milaim Zeka, e ka parë shumë gabim veprimin e kryeministrit në largim, Ramush Haradinaj, i cili ka dekoruar me medaljen e Skënderbeut ish-shefin e AKI-së, Shpend Maxhuni.
“Dekorimi i Maxhunit është gabimi i dytë i Ramush Haradinajt. Gabimi i parë ka qenë shpallja qytetar nderi i Sali Berishës në Deçan”, ka thënë Zeka në RTK.
Sipas Zekës, dorëheqja e Maxhunit është efekti i parë i ardhjes së Lëvizjes Vetëvendosje në pushtet.
“Me sa kam informacion Maxhuni do të dërgohet ambasador në Turqi”, ka theksuar Zeka.
