Aderimi i kardiologut, Irfan Daullxhiu në Vetëvendosje, i akuzuar në një nga skandalet më të mëdha në shëndetësi të njohur si rasti “Stenta”, ka përplasur Frashër Krasniqin e PSD-së e Glauk Konjufcën e LVV-së.
Në fotografinë, ku shihet kreu i Vetëvendosjes, Albin Kurti, kryetari i Prizrenit, Mytaher Haskuka e tashmë anëtari i kësaj partie, Irfan Daullxhiu, deputeti i Partisë Socialdemokrate i është drejtuar Kurtit duke thënë se “kur t’ka ikë zemra, kot mundohesh me mbetë gjallë përmes stentave”.
E ndaj kësaj deklarate të deputetit, Frashër Krasniqi ka reaguar Glauk Konjufca i Vetëvendosjes. Konjufca ka thënë se partisë së tij asnjëherë nuk i ka ik zemra, teksa ka shtuar se vetëm ‘zorrën qorre’, e kanë larguar.
“Vetëvendosjes kurrë nuk i ka ik zemra, veç është bërë operacion prej zorrës qorre, VV i rreh zemra dhe për atë zemër kanë votuar mijëra qytetarë”, ka deklaruar Konjufca në T7, përcjell Insajderi.
