Zgjidhet kryesia e ARK-së në Deçan

Kryetari i Degës së AAK-së në Deçan, Daut Haradinaj, ka njoftuar se Aleanca e të Rinjve të Kosovës në Deçan ka mbajtur Kuvendin zgjedhor, me ç’rast u emëruan strukturat udhëheqëse, njofton Insajderi.

Haradinaj ka njoftuar se kryetar i ri i ARK-së, është zgjedhur studenti i dalluar Redon Kamishaj.

‘Sot, Aleanca e të Rinjve të Kosovës, dega në Deçan, mbajti Kuvendin Zgjedhor ku zgjodhi strukturat udhëheqëse. Kuvendi me unanimitet të plotë të delegatëve zgjodhi për Kryetar të ri të ARK-së, studentin e dalluar, plot vullnet dhe energji, Redon Kamishaj, i cili e mori detyrën nga kryetari i deritanishëm, Kushtrim Loshaj’, ka shkruar Haradinaj.

‘Me Kushtrimin dhe strukturat e deritanishme të ARK-së, e kisha për nderë të punojmë së bashku në të gjitha aktivitetet që kaluam në degën e Deçanit për pesë vite me radhë.Në tri palë zgjedhje dolem fitues bindshëm, dhe siç duket me gjithë këtë energji do të arrijmë fitore të reja’, shtoi ai.

Ndër të tjera, Haradinaj ju uroj suksese në punën e tyre të gjithëve.

‘Kushtrimit, Besnikut dhe gjithë kolegëve tjerë të ARK-së, ju uroj suksese në rrugën e tyre jetësore! Do vazhdojmë të jemi bashkë në nivele tjera të organizimit në parti dhe në përgjegjësitë që na presin. Redonit dhe kolegëve të tjerë të ri që morën përgjegjësi, ju priftë e mbara! Ju dëshiroj punë të mbarë e suksese në vazhdimësi’, përfundoi ai./Insajderi.com