Janë gjithsej 4694 zyrtarë që kanë për obligim ligjor deklarimin e rregullt vjetor të pasurisë në Agjencinë kundër Korrupsionit.
Agjencia Kundër Korrupsion ka njoftuar se zyrtarët publikë kanë kohë vetëm deri me 19 qershor që të deklarojnë pasurinë e tyre, ashtu siç e kërkon edhe ligji anti-korrupsion, njofton Insajderi.
Nëse zyrtarët publikë nuk i përgjigjen kësaj thirrje të Agjencisë, atëherë kundër tyre do të ndërmerren veprime ligjore të parapara me ligjet në fuqi.
Zyrtarët publikë është dashur që kohë më parë ta bëjnë deklarimin e pasurisë, por për shkak të situatës së krijuar nga pandemia COVID-19, afati është shtyrë.
Drejtori i Agjencisë, Shaip Havolli, ka thënë AKK është në shërbim të të gjitha subjekteve deklaruese për të ofruar të gjitha informatat e nevojshme për zyrtarët publikë në mënyrë që procesi i deklarimit të pasurisë të përfundoj me sukses./Insajderi.com
