Zëvendës drejtori i të ashtuquajturës zyre për Kosovë në qeverinë e Serbisë Damjan Joviq është i bindur se për këtë iniciativë vlen të mendohet, ai gjithashtu ka thënë se është pikëpyetje se a do të vijë deri te këto biseda dhe me çfarë do të rezultojnë ato.
“Nuk mund të flas mbi detajet e asaj se çfarë po ndodhë në tryezën e negociatave në momentin kur as nuk është afër marrëveshja i cili mund të arrihet, mirëpo kufizimi është diçka për të cilin vlen të bisedohet”, ka thënë Joviq duke u përgjigjur në pyetje të gazetarëve se cila është politika për Kosovën për të cilën kryetari i Serbisë Aleksandar Vuçiq ka thënë se ka dështuar.
Ai ka thënë se bëhet fjalë për iniciativën me të cilën ka dalë Serbia, e për të cilën konsideron se në këtë moment historik është zgjidhja më e përshtatshme për arritje të paqes së qëndrueshme.
“Është e qartë se kjo nuk është për të gjithë akterët, as në komunitetin ndërkombëtarë, e as te ne”, ka thënë Joviq dhe ka shtuar se një pjesë e opozitës në Serbi e ka refuzuar një mundësi të tillë.
“Ndoshta nuk është pjekur momenti politik që një politikë e tillë apo iniciativë të kandidohen, gjë që nuk do të thotë se ne nuk do të konsiderojmë edhe më tutje se kjo, në këtë moment histori dhe në këto rrethana politike, është rruga më e mirë për arritje të paqes së përhershme dhe të qëndrueshme”, ka thënë Joviq./Insajderi.com.
