Zyrtari i Lidhjes Demokratike të Kosovës, Besart Dreshaj, ka thënë se partia që ai i takon, është parti serioze dhe me vlera, shkruan Insajderi.
Dreshaj përmes Facebook, ka thënë se ata që e shajnë dhe ofendojnë LDK-në, e bëjnë këtë sepse LDK-ja është pengesë për planet e tjerëve të dëmshme për shtetin. Ai gjithashtu ka folur edhe për anëtarët që dikur kanë qenë pjesë e LDK-së.
“ E disa që më parë ishin në LDK e sot kanë mbetur rrugëve, normal e ofendojnë sepse nuk janë lejuar ta shkatrrojnë LDK”, ka shkruar Dreshaj.
Se për kë e ka pasur fjalën, Dreshaj nuk ka përmendur emra konkret ndërsa në fund të shkrimit ka thënë se LDK do i fitojë zgjedhjet e ardhshme.
“Populli e dinë se me LDK ndërtohet shtet i shëndosh ku qytetari jeton lirshëm pa frikë dhe pa mërzi. Zoti e bekoftë LDK dhe Kosovën”, ka përfunduar ai./Insajderi.com/
