Veshkat luajnë një rol shumë të rëndësishëm në trupin tuaj – ato janë përgjegjëse për largimin e mbeturinave përmes urinës, prodhimin e hormoneve dhe filtrimin e toksinave dhe lëngjeve shtesë në gjakun tuaj.
Kjo është arsyeja pse ju duhet të kujdeseni mirë për veshkat tuaja dhe të përpiqeni t’i mbani ato të shëndetshme, shkruan Bright Side, transmeton Insajderi. Mjerisht, disa ushqime mund t’i dëmtojnë ato dhe të ndikojnë në funksionimin e tyre normal nëse hahen me tepri.
Avokadot
Megjithëse avokadot janë të njohura dhe vlerësohen për cilësitë e tyre të ndryshme ushqyese, ngrënia e e tyre tepërt mund të jetë e rrezikshme për veshkat tuaja, veçanërisht nëse tashmë keni një sëmundje të veshkave. Dhe arsyeja është se ky frut ka një nivel shumë të lartë të kaliumit.
Trupat tanë kanë nevojë për këtë mineral, por shumë kalium në gjak mund të shkaktojë probleme serioze si ngërçet e muskujve dhe një rrahje zemre të çrregullt.
Mishi
Ngrënia e tepërt e mishit mund të shkaktojë probleme në veshka, sepse proteinat e kafshëve mund të metabolizohen shumë, duke e bërë eleminimin e produkteve të mbetjeve një barrë për veshkat.
Një dietë e pasur me proteina shtazore mund të çojë në zhvillimin e gurëve në veshka. Mishi stimulon prodhimin e acidit urik, i cili është një nga shkaqet e zakonshme të gurëve në veshka.
Në vend të kësaj mund të hani më shumë perime dhe arra dhe përsëri do të merrni proteinat për të cilat trupi juaj ka nevojë.
Kripa
Një dietë e shëndetshme duhet të përfshijë një maksimum prej 2300 mg natriumi në ditë (rreth një lugë çaji kripë). Nëse hani shumë kripë, veshkat duhet të punojnë më shumë në mënyrë që të eliminojnë tepricën e natriumit, kështu që ato mund të fillojnë të mbajnë ujin që mund të çojë në presion të lartë të gjakut.
Për të mbajtur veshkat tuaja të shëndetshme, ju mund të shtoni erëza dhe barëra në ushqimet tuaja në vend që të abuzoni me kripën.
Ju gjithashtu mund të zvogëloni konsumin e ushqimeve të përpunuara dhe të paketuara, si supa të konservuara ose perime, pica të ngrirë dhe salcë sallate, pasi ato zakonisht përmbajnë shumë kripë.
Bananet
Nëse dyshoni se keni probleme me veshkat, ushqimi i mirë dhe një dietë e duhur janë thelbësore për të qëndruar të shëndetshëm. Dhe kjo do të thotë të kufizoni konsumin e disa ushqimeve si bananet, sepse ato kanë një nivel shumë të lartë të kaliumit, i cili mund të jetë i dëmshëm për ata, veshkat e të cilëve nuk funksionojnë si duhet.
Një i rritur i shëndetshëm duhet të ketë një konsum prej 3,500-4,700 mg kalium çdo ditë nga ushqimet dhe një banane mesatare (150 g) tashmë përmban 537 mg. Por nëse vuani nga një sëmundje e veshkave, marrja e kaliumit duhet të jetë më e ulët pasi trupi juaj nuk mund të arrijë të filtrojë tepricën, e cila mund të çojë në çështje serioze shëndetësore.
Bylmeti
Megjithëse produktet e qumështit janë të pasura me vitamina dhe lëndë ushqyese, shumë qumësht, kos dhe djathë mund të shkaktojnë më shumë dëm sesa dobi. Dhe kjo mund të ndodhë për shkak të sasisë së lartë të fosforit që përmbajnë këto ushqime që mund të vendosin stres në veshkat tuaja.
Për më tepër, nëse veshkat tuaja nuk janë plotësisht funksionale, ato nuk do të jenë në gjendje të heqin fosforin shtesë nga gjaku juaj dhe kjo mund të çojë në kocka të holla dhe të dobëta me kalimin e kohës dhe një rrezik për fraktura. /Insajderi.com
