Avokati, Tomë Gashi, ka deklaruar se Albin Kurti ka të drejtë të kandidojë për deputet në zgjedhjet parlamentare, pasi nuk ka qenë i dënuar me burgim.
Gashi i është referuar pikës 297 të aktgjykimit të Gjykatës Kushtetuese ku thuhet se “Gjykata thekson se fakti që neni 70.3 (6) i Kushtetutës, neni 8.1.6 i Ligjit për të Drejtat dhe Përgjegjësitë e Deputetit dhe neni 112.1 (a) i Ligjit për Zgjedhjet e Përgjithshme i referohen dënimit të deputetit (pra dënimit pasi ai ta ketë fituar mandatin), është reflektim i prezumimit se neni 29.1 (q) i Ligjit për Zgjedhjet e Përgjithshme, i cili mbështetet në nenin 71.1 të Kushtetutës, nuk lejon që një person i dënuar me burgim gjatë tri viteve të fundit para zgjedhjeve të kandidojë për deputet dhe të fitoj mandatin e deputetit”.
Avokati, deklaroi se Albin Kurti është dënuar me kusht në vitin 2018 dhe sipas tij ai nuk e ka asnjë pengesë të kandidojë në zgjedhje.
Postimi i plotë:
Albin Kurti ka të drejte te kandidoj per deputet te Kuvendit te Kosoves.
Kushdo që ka pas paqartësi lidhur me të…
Posted by Tomë V. Gashi on Wednesday, 6 January 2021
